Onte presentouse o cartel do 90º aniversario da Sala Capitol de Compostela, un cine aberto en 1935 que se mantivo, e mantén, como un dos centros de ocio e cultura máis importantes de toda Galicia.
Para unha boa parte da poboación de Compostela en particular, e de Galicia en Xeral, a Sala Capitol e moito máis cunha referencia de ocio. Hai unha parte emocional en todos os que vimos alí algunha estrea de cine, Xa sexan historias de galaxias, maquinas do tempo, ou súper heroes o certo é que non as esquecemos.
Nos últimos anos eses vínculos emocionais coa Capitol nacen pola música. Esta considerada unha das mellores salas de concertos de toda España e , como onte se mencionou, en boa parte é polo trato que reciben público e artistas por parte do persoal da sala.
A nova xerencia da Capitol, chegada hai menos dun ano, faino con manter ese estilo e potencialo. Mostra de esa intención e a programación do 90 aniversario. Na presentación do cartel que conmemora este aniversario participaron Andrés e Fran Villasenín, que dirixen a sala no día a día; Carlos Covas e Santiago Domínguez, socios capitalistas e Rebeca Losada, autora do cartel.
Ao longo da presentación as referencias ao cine foron constantes precisamente polas lembrazas que todos os presentes tiñas de esa etapa da Sala Capitol. Iso é tamén o que motivou a Rebeca Losada a crear un cartel no que personaxes como ET, King Kong, Greemlins ou tiburón axudan a lembrar o que foi este local.
Un futuro emocionante
Este aniversario marca tamén o inicio de esta nova etapa. Despois duns meses de adaptación da nova xerencia, sen que se deixara de programar, agora toca poñer o selo propio. Capitol 1935 é o nome que se da a esta programación ecléctica na que nos vindeiros meses estarán Ortiga, Ginebras, Xoel López, Nick Waterhouse, Straits Jackets, Ariel Roth, Nikki Hill, Fantastic Negrito, El Drogas ou Carlangas. Unha lista interminable que coloca a Compostela no centro da cultura musical do noroeste peninsular.
Iremos contando todo o que pase na Capitol, porque seguro que hai sorpresas aínda non desveladas. Compostela ten en esta sala un patrimonio a preservar xa que é actualidade, futuro e memoria, algo que non todo o mundo pode dicir.
