Bisbarra, 13 de setembro do 2023 – A carballeira de Santa Minia acollerá este venres 15 de setembro, de 17:00 a 21:00 horas, unha nova edición da Feira Labrega de Brión.
Organizada polo Concello de Brión, en colaboración coa Asociación Darredor e o GDR Terras de Compostela; a Feira Labrega está aberta á participación de toda a veciñanza do concello e a contorna. Todos poderán montar os seus postos para a venda de produto labrego, ecolóxicos, artesán, viveiro (horta, xardín, flores, froiteiras…) ou de segunda man.
Con esta actuación, o Concello de Brión pretende poñer en valor os produtos labregos e de proximidade, dinamizar os mercados locais e fomentar na veciñanza o consumo de alimentos agroecolóxicos e de produtores locais.
A novidade da Feira Labrega de este ano será a asistencia dun Food Truck onde o cociñeiro José Manuel Mallón ofrecerá unha degustación de petiscos elaborados con produtos locais e de tempada.
Para poder participar na feira será preciso anotarse antes das 14:00 horas de hoxemércores 13 de setembro. A solicitude pode descargarse da web municipal (www.concellodebrion.gal) e deberá entregarse por e-mail a daquidarredor@gmail.com.
En caso de choiva, a feira trasladarase ao 3º andar do centro comercial Monte Balado. A anterior edición da Feira Labrega reuniu un total de 18 postos de produtos de horta, artesanía, segunda man, doces e empanadas, conservas, zumes, ungüentos, amigurumi…
