Bisbarra, 3 de febreiro do 2023 – Os concellos van presentando os distintos programas de Entroido e Brión prepara xa todo para o desfile do día 26.
O desfile de Entroido comezará as catro e media da tarde. Comparsas e concursantes sairán do pavillón municipal e percorrerán o paseo dos Pedrouzos e a rúa Tarrío ata chegar ao Parque do lamiño.
Os participantes estarán acompañados pola charanga Os Celtas. P baile de disfraces estará despois amenizado polo grupo JB Son. As inscricións abriranse desde o vindeiro dia 13 e ata o 24 de febreiro. Hai que cubrir unha solicitude segundo a categoría na que se participe, que se pode descargar desde esta páxina, e enviala ao correo casaculturabrion@gmail.com.
Brión repartirá 2.500 euros en premios repartidos nas seguintes categorías:
1.- Categoría Infantil Individual (participantes ata 11 anos).
2.- Categoría Xuvenil Individual (participantes de 12 a 17 anos).
3.- Categoría Adultos Individual (participantes de 18 anos en diante).
4.- Categoría Parellas.
5.- Categoría Grupos: grupos compostos por un mínimo de 3 persoas e un máximo de 9.
6.- Categoría Comparsas: grupos compostos por un mínimo de 10 persoas.
Un mesmo grupo de participantes non poderá presentarse en dúas categorías.
