займ срочно

Brión humanizará a AC-643 co apoio da Xunta de Galicia

0

Bisbarra, 23 de xaneiro do 2023 – O concello de Brión e a Xunta de Galicia investirán máis de seiscentos mil euros para converter a estrada AC-643 nunha nova rúa municipal.

A conselleira de Infraestruturas e Mobilidade, Ethel Vázquez, e o alcalde de Brión, Pablo Lago, asinaron o convenio que humanizará e cederá a vella estrada de Noia, AC-643, ao concello.

As obras suporán un investimento aportado nun 70% pola Xunta, é dicir, preto de 424.000 euros. O Concello, pola súa banda, achegará os 181.000 euros restantes e será o encargado de contratar e executar as obras. A maiores, Brión comprométese a asumir a titularidade do treito, a excepción da calzada e beiravía das glorietas, nos puntos de conexión con outras vías autonómicas, que seguirán sendo de titularidade da Xunta.

Humanizar Os Ánxeles

Pablo Lago agradeceu “o traballo e o compromiso co Concello e coa veciñanza de Brión” da conselleira Ethel Vázquez desde que comezaran as conversas no 2020. Lago engade que se trata dunha actuación “fundamental para humanizar o núcleo máis poboado de Brión e que será especialmente beneficioso para a veciñanza, tanto para os residentes como os que transitan pola contorna”.

Pola súa banda, Ethel Vázquez amosou a súa satisfacción por asinar un convenio “que supón sumar esforzos entre o Concello de Brión e a Xunta de Galicia para reforzar a seguridade viaria e mellorar a accesibilidade e a mobilidade dos veciños e veciñas de Brión”. Tamén salientou a importancia do cambio de titularidade da estrada “para evitar dificultades administrativas ao Concello e facilitarlle o día a día aos veciños”.

Detalle das obras

Os traballos céntranse nun tramo de 1,5 km identificado como treito de concentración de accidentes. Xunta e o Concello adoptarán medidas de calmado de tráfico necesarias para darlle unha funcionalidade adaptada ao dunha rúa municipal, en lugar dunha estrada.

A intervención ten como fin conseguir que a estrada AC-543 ao seu paso por Brión se converta nunha rúa, nunha vía máis humana ao servizo dos núcleos de poboación polos que pasa e con especial atención aos usuarios vulnerables. Para iso, as actuacións centraranse na ampliación e renovación das beirarrúas, sendo preciso para iso estreitar a propia calzada; na reposición da capa de rodaxe en ambos os dous carrís, beiravías e bandas de estacionamento; e na renovación da sinalización.

Na execución destas actuacións, e para non solapar nin duplicar traballo, o Concello deberá ter en conta as obras de mellora da accesibilidade e conexións das paradas de autobuses que está a impulsar a Xunta nas estradas da súa titularidade. A actuación programada pola Xunta prevé mellorar seis paradas de autobús que están situadas neste treito da estrada AC-543: en ambas as marxes no lugar do Tremo, na gasolineira do Tremo e no empalme de Liñares.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies