Bisbarra, 21 de outubro do 2024 – As andainas son un dos recursos de ocio e exercicio que máis creceron nos últimos anos. O que non é tan habitual é propoñer unha andaina do terror.
Si lle sumamos á andaina algo de emoción o cóctel é, para algunha xente, irresistible. A asociación O Esquío no Piñeiro e o concello de Brión colaboran nunha iniciativa que xa tivo éxito o ano pasado. Unha andaina do terror.
A cita terá lugar o vindeiro 23 de novembro, comezará ás sete e media da tarde ao carón da Capela de Santa Minia e desde a organización prometen que se asegurarán “de que esta noite te deixe sen alento… e non será pola dureza da ruta!.. Atréveste?”.
A distancia da andaina do terror é de 5 quilómetros con dificultade baixa, en canto ao físico polo menos. A inscrición está aberta desde o 15 de outubro e pecharase o 20 de novembro. Podedes acceder ao rexistro en galitiming .
Os prezos son ata o 31 de outubro de 12 euros para adultos e 8 € para os menores. Do 1 ao 20 de novembro os adultos aboarán 15 € e os menores 10 euros. Inclúese a participación na andaina teatralizada, agasallos conmemorativos e chocolate con bica ao remate. Hai un límite de 600 prazas que poden parecer moitas pero que estanse cubrindo a toda velocidade así que xa sabedes o que tedes que facer se estades interesados.
