займ срочно

Brión conmemorará o Día da Muller con obradoiros, teatro e concentración

0

Bisbarra, 5 de marzo do 2024 – Brión conmemorará o 8M con dous obradoiros, unha obra teatral e a concentración con lectura de manifesto o propio venres Dia Internacional da Muller.

Será hoxe martes cando comece esta programación de Brión co primeiro dos obradoiros “Reconectarme a través da creatividade”, dirixido a mulleres maiores de 16 anos. As participantes aprenderán a conectarse coas súas emocións a través da creatividade, o xogo, o movemento e as artes.

Nestes obradoiros, hoxe e o 12 de marzo de 18:45 a 20:45 no centro social polivalente, traballarase con materiais como a pintura, a arxila… se ben o obxectivo non é o resultado artístico das obras en si mesmas, senón a busca da harmonía con un mesmo a través da vivencia dun proceso creativo.

Uns obradoiros gratuítos dinamizados por Baia Fernández e dirixidos a mulleres de más de 16 anos, que deberán anotarse a través do mail beatriz.yanez@concellodebrion.gal.

Por outra banda o xoves 7 de marzo terá lugar a posta en escena da obra “As damas de Ferrol”, unha comedia de Teatro do Noroeste dirixida a un público adulto. Dirixida por Clara Gayo, trátase dunha comedia de humor negro en clave feminista sobre a historia de dúas mulleres, Maruxa e Lourdes, que só se teñen a unha á outra. Será ás 20:30 horas, no centro social polivelente. A entrada é totalmente de balde, se ben é preciso reservala en bandoticket.com.

Finalmente, o propio venres 8 de marzo, a praza do Concello de Brión acollerá ás 12:00 horas a lectura dun manifesto conmemorativo do Día da Muller. Unha programación elaborada polo Concello de Brión en colaboración coa Deputación da Coruña e o Ministerio de Igualdade a través do Pacto de Estado contra a violencia de xénero.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies