займ срочно

Eleccións23: cisma no socialismo de Ames

0

Eleccións23, 27 de marzo – O socialismo de Ames divídese coa marcha de Luísa Feijoó, hai catro número dous, que se presentará con Espazo Común, creado no seu día polo tamén socialista Pachi Vázquez.

De esquerda a dereita, Carmela Pardal, Francisco Lamas e Luísa feijó

Desde hai tempo o malestar na agrupación socialista era palpable. Algunhas voces apuntaban a que o acceso á alcaldía de Blas García, número tres, por diante de Luísa Feijoó non sentara ben. A non inclusión na lista electoral foi o detonante para que Feijoó preparara a súa propia candidatura.

A concelleira presentou a pasada semana a renuncia como socialista e , tras presentar aos medios a súa candidatura, foi cesada de inmediato das súas competencias. O novo voceiro socialista será Victor Fernández e Susana Señarís, número dous da lista, a voceira adxunta.

Luísa feijoó explicaba en rolda de prensa o porque da decisión. Acusa ao partido de comportarse, desde a marcha de Miñones, dun xeito personalista que deixa fora aos que non son da corda de un

A xa candidata de Espazo en Común pon ademais en valor o traballo desenvolto nos últimos 8 anos

Na rolda de prensa participaron, ademais de Feijóo, Francisco Lamas, número cinco, e Carmela Pardal, número dez. Todos coinciden que o espírito da formación e mellorar e manter o que se ten, sen grandes proxectos e pensando en especial nun Milladoiro residencial

A lisa que encabeza Luísa Feijoó terá no número dous a Rosa Fernández, que traballa no ámbito sanitario; no tres a Mirela González, unha brasileira chegada a Ames hai tres anos; no catro Rafael Castro e no cinco o xa mencionado Francisco Lamas.

Share.

Comments are closed.