Bisbarra, 30 de maio do 2024 – Os concellos de Boqueixón e Vedra poñen en marcha un amplo conxunto de propostas baixo a denominación de Correntes do Ulla.
Trátase dun programa de actividades de ocio e tempo libre en contacto coa natureza que se levará a cabo entre finais de xuño e comezos de agosto. As inscricións en Correntes do Ulla abrirase a partir do 5 de xuño nas páxinas webs dos dous concellos.
O acto de presentación tivo lugar no Couto de Ximonde (Vedra) e participaron o alcalde de Vedra, Carlos Martínez, o alcalde de Boqueixón, Ovidio Rodeiro, co seu concelleiro de Turismo, José Luis Mareque, o axente medioambiental, Manuel Rego e Ramiro Fernández do grupo de sendeirismo de Vedra.
As principais actividades que terán lugar en Correntes do Ulla e as datas nas que están previstas son as seguintes:
DESCENSO DO ULLA
• Data: 29 de xuño.
• Percorrido: Dende o Campo do río de Ponte Ledesma ata a Área de Recreo de Agronovo.
• Prezo: 25 € por persoa. (Inclúe Kaiak de 2 persoas: chaleco salvavidas e seguro).
• Observacións: Poderán participar as persoas maiores de 13 anos con autorización.
• Prazas limitadas
ESCOLA DE PESCA
• Introdución ao mundo da pesca sostible e á concienciación coa natureza.
• Imparte: David Arcay (campión do mundo de pesca con mosca)
• Colabora: Consellería de Medio Ambiente e Cambio Climático
• Datas:
• 10 de xullo. Na Área de Recreo de Agronovo.
• 11 de xullo. Na Área de Recreo de Sucira.
• Prazas limitadas
CAMPO DE VOLUNTARIADO “UNINDO ROTEIROS”
• Recuperación medioambiental e etnográfica + dinamización sociocultural.
• Do 15 ao 26 de xullo
• Idades: de 18 a 30 anos
• Colabora: Dirección Xeral de Xuventude
GOZA DO ULLA (ROTEIRO DE PESCADORES)
• Data: 20 de xullo.
• Percorrido: Saída ás 10 horas do Campo do río de Ponte Ledesma de ata Codeso- San Paio
• Distancia: 9,6 km aprox.
• Dificultade: media-baixa
• Prazas limitadas
PASEO EN BICI POLO VAL DO ULLA (RIBADOULLA)
• Data: 28 de xullo.
• Percorrido: Saída ás 10 horas da Área de Recreo de Castiláns (xunto ao Pazo de Santa Cruz de Ribadulla), avituallamento en Ponte Ledesma, regreso ao punto de partida.
• Distancia: 30 km aprox.
• Dificultade: media
• Prazas limitadas
GOZA DO ULLA (DO COUTO DE XIMONDE A PONTEVEA)
• Data: 4 de agosto.
• Percorrido: Saída ás 10 horas do Couto de Ximonde ata a ponte medieval de Pontevea-Reis (Teo)
• Distancia: 10 km aprox.
• Dificultade: media
• Prazas limitadas
MÁIS INFORMACIÓN E INSCRICIÓNS:
www.concellodevedra.gal
www.boqueixon.gal
