Boqueixón, 21 de maio do 2019 – O Concello de Boqueixón organiza un Roteiro de Plantas Medicinais, partindo do Local social de Ponte Ledesma, o próximo sábado 8 de xuño.
Unha charla sobre plantas medicinais, ás 17.00 horas, será o punto de partida de esta actividade. Falarase dos mitos e realidades, a recolección e conservación, os usos e doses e as precaucións que hai que ter sobre este tipo de plantas. A continuación, ás 18.30 horas, realizarase un roteiro guiado pola zona para todas as persoas asistentes.
A veciñanza interesada en asistir deberá inscribirse no Departamento de Cultura do Concello de Boqueixón, ben a través do teléfono 981 513 115, ben no enderezo electrónico cultura@boqueixon.com.
