займ срочно

Boqueixón destinará máis de un millón de euros a mellorar infraestruturas e estradas

0

Boqueixón, 27 de xuño do 2022 – Boqueixón aprobou, en sesión extraordinaria, unha modificación de crédito que destinará 928.659,08 euros do remanente a mellora de infraestruturas e estradas.

O concelleiro de economía de Boqueixón, Xosé Manuel Iglesias, avanzou que “esta é a primeira modificación, que suporá un investimento de 1.116.000 euros en Boqueixón pero non será a última, porque en xullo imos traer unha segunda para poder acometer actuacións procedentes de subvencións conseguidas por este grupo de Goberno e ás que agora temos que dotar das achegas municipais”.

A modificación aprobouse cos votos a favor do equipo de goberno e a abstenci´n da oposición. Os cartos repartiranse en dez proxectos que segundo Iglesias responden ás necesidades e peticións dos veciños de Boqueixón como o novo parque infantil no campo da Festa de Lestedo, un programa de sinalización de todo o concello ou o aglomerado das estradas de Casalpegito á Moa e de Ardarís a Rubial, entre outras actuacións”

Programa de inversións

Por importe de investimento os proxectos máis importantes son a mellora con aglomerado do viario das pistas de Casalpegito á Moa (224.462,82 euros) e de Ardarís a Rubial (174.893,19 euros).

Destinaranse outros 91.593,37 euros á construción dun novo parque infantil no campo da festa de Lestedo. O alcalde, Manuel Fernández Munín, explica que “a mellora deste parque é unha demanda que temos da veciñanza de Lestedo e finalmente decidimos retirar o que hai e facer un novo parque infantil nunha zona onde a poboación está medrando”. Munín adiantou tamén un investimento de 57.676,14 euros para melloras nos parques infantís das escolas de Lestedo e Camporrapado, que incluirán o cambio do solo e a mellora dalgúns xogos.

Plan de sinalización

Por outra banda, Boqueixón destinará 261.947,56 euros a un plan de sinalización de núcleos en todo o municipio. Parte dos fondos destínanse ás partes que o concello ten que aportar en obras subvencionadas desde outras administracións como por exemplo 30.000 euros para a mellora dos viarios perimetrais do polígono de Camporrapado (proxecto de 150.000 euros dos que a Xunta aporta 120.000 euros) ou os 13.353,85 euros para a realización dunha senda en Rubial, que se sumarán aos 15.000 euros achegados polo Xacobeo para “acometer o tramo dende a renovada praza de Rubial para garantir a seguridade dos peregrinos e veciños que discorren por esta zona”, apuntou o alcalde Manuel Fernández Munín.

Tamén se financiará con cargo ao Remanente a achega municipal (11.189 euros) para o investimento de 64.473 euros dentro do Plan AGADER de mellora de camiños municipais de acceso a parcelas agrícolas. Finalmente, o programa inclúe a financiación de dous proxectos que non conseguiron axudas e que Boqueixón financiará ao cen por cen. Trátase do acondicionamento dunha área recreativa en Gastrar, cun custo de 48.397,17 euros, e da corrección de impactos paisaxísticos no lavadoiro de Camporrapado, que recibirá 15.145,34 euros.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies