Boqueixón, 21 de xaneiro do 2022 – O Concello de Boqueixón participa na campaña “Europa no teu Concello”, unha iniciativa que ten como obxectivo achegar a idea de Europa aos máis novos.
Por medio dun punto de información situado na biblioteca municipal “Europa no teu Concello” achega publicacións e materiais sobre as principais iniciativas europeas de xuventude aos mozos e mozas do municipio.
A Oficina de Información Xuvenil (OMIX) de Boqueixón foi a encargada da instalación do punto informativo na biblioteca. Os mozos e mozas que se acheguen atoparán tamén materiais informativos sobre o Club UE, as Redes de Información Europea en Galicia e sobre Europe Direct A Coruña, un centro oficial de información da Comisión Europea que é o responsable do lanzamento da iniciativa “Europa no teu Concello”.
