Bisbarra, 3 de xaneiro do 2024 – O Conselleiro de Cultura, Lingua e Xuventude, José López Campos, visitou o concello de Boqueixón e puxo en valor o seu patrimonio cunha visita ao Pico Sacro.
López Campos, no transcurso da súa visita, definiu o Pico Sacro como “un referente cultural e natural”, un espazo que ten solicitada a declaración de Ben de Interese Cultural. O Conselleiro visitou ademais varios centros socioculturais do concello, sobre os que puxo en valor o “importante papel que desenvolven para dinamizar non só a vida cultural, senón tamén social das zonas rurais”.
José López Campos incidiu no compromiso da Xunta “de facilitar que a actividade cultural estea ao alcance de todos os galegos e galegas, sexa cal sexa o seu lugar de residencia”, en liña cos obxectivos da recente Lei de cultura inclusiva e accesible de Galicia. O Conselleiro lembrou que se encadra tamén no plan do Goberno galego para modernizar estas infraestruturas en todo o territorio da Comunidade e na futura Rede Adival de Dinamización do Rural.
