Bisbarra, 9 de outubro do 2023 – O Concello de Boqueixón afronta a renovación do comercio ambulante na Feira de Lestedo ao quedar postos baleiros por xubilación dos comerciantes.
Boqueixón está admitindo por este e outros motivo novas solicitudes de postos para Lestedo. Na feira do pasado domingo xa se incorporaron dez novos postos, cifra que se irá incrementando nos vindeiros meses.
As persoas interesadas en conseguir unha autorización para instalar un posto na feira de Lestedo poden solicitar información sobre o trámite a realizar no Concello de Boqueixón ou chamando ao teléfono 981 513 061.
A feira-mercado de Lestedo é unha das máis antigas da comarca xa que se celebra dende fai 150 anos. Este mercado, que ten lugar o primeiro e o terceiro domingo de cada mes entre as 09:30 e as 15:00 horas, conta habitualmente con 70 postos nos que se poden atopar produtos de alimentación, téxtil, calzado, plantas, etc. Ademais os clientes deste mercado, situado moi próximo ao Pico Sacro, poden desfrutar do tradicional polbo á feira, viño do país, así como doutros produtos da zona.
