Bisbarra, 13 de abril do 2020 – Coa volta ao traballo de algúns servizos non esenciais os concellos comezan o reparto de mascarillas en estradas e paradas de autobús.
Grupos de protección civil e policías locais situaranse hoxe nas principais estradas para entregar as mascarillas e comprobar os xustificantes dos conductores.
Frades porá mascarillas a disposición da veciñanza no Concello de en horario de 9:00 a 14:00 horas. En caso de que a persoa non poida desprazarse, achegaránselle a casa (previa chamada ao 981 695 567).
Trátase de mascarillas sanitarias de 1 solo uso: 720 cedidas pola Xunta de Galicia e que están a utilizar as persoas traballadoras do Servizo de Axuda no Fogar e 200 que entregará hoxe a Delegación De Goberno para as persoas que teñan que desprazarse. Frades ten tamén mascarillas de tela reutilizables, feitas por persoas voluntarias en colaboración coa Mancomunidade de Ordes.
En Ames hoxe e mañá repartiranse mascarillas nas principais vías de saída de Bertamiráns e do Milladoiro, na entrada do polígono Novo Milladoiro e en catro paradas de autobús. Farase de 7.00h a 9.00 horas por parte dos membros da Agrupación de Protección Civil e mailos axentes da Policía Local e da Garda Civil. As mascarillas foron enviadas por parte do Goberno do Estado, a través da Delegación do Goberno en Galicia.
Por outra banda, os/as integrantes da Agrupación de Protección Civil de Ames encargaranse de repartir as mascarillas entre as persoas que teñan que acudir a traballar en transporte metropolitano. En Bertamiráns repartiranse mascarillas na parada de autobús que está situada na intersección da avenida da Maía coa rúa Alcalde Lorenzo (diante da xoiería Azabache) e tamén na última parada de autobús que hai na avenida da Maía dirección Santiago de Compostela (a que está en fronte ao establecemento Q`Como?).
No Milladoiro o reparto de mascarillas tamén se realizará en dúas paradas de autobús. Na que está situada na intersección da avenida de Rosalía de Castro coa rúa Figueiras dirección Santiago de Compostela e na última parada que hai na avenida de Rosalía de Castro dirección Santiago de Compostela, xunto antes da pasarela peonil sobre a avenida de Rosalía de Castro.
Teo tamén informa que a partires das 07:00 horas de hoxe luns, mediante controis ubicados nas rotondas de Cacheiras e de Os Tilos, a Policía local, xunto coa Garda Civil de Ames e Protección Civil, vai repartir mascarillas a todas e todos aqueles que se despracen ao seu posto de traballo, tanto en transporte público como no seu vehículo particular, xustificando o citado desprazamento.
Oroso repartiu durante os últimos días a persoas maiores e colectivos vulnerables. O reparto continuará hoxe.
En outros concellos tamén se entregarán mascarillas esta semana aínda que non temos datos confirmados.
