Bisbarra, 11 de maio do 2021 – A dous anos vista das eleccións os movementos dos concellos seguen producíndose e a renuncia do alcalde Oroso Manuel Mirás súmanse a de dous concelleiros en Negreira e un en Silleda.
Silleda despide ao socialista Klaus Brey Montaña que entrou na corporación no ano 2011. Por outra banda o Pleno de Negreira tomo coñecemento da renuncia da popular María González Gómez e da socialista María Josefa Vázquez Alende.
Silleda
Klaus Brey é un dos concelleiros que viviu toda a transformación de Silleda xa que leva dez anos na corporación. Natural da parroquia de Cira comezou asumindo as áreas de Deportes, Comercio e Industria e Mocidade. A partir do ano 2013, foi tamén o responsable de Obras e Servizos, Medio Rural e Turismo.
Negreira
O pleno municipal tomaba coñecemento este luns da renuncia da concelleira do Partido Popular María González Gómez. Dase a circunstancia de que no ano 2017, formando parte de Pacto x Ames, renunciara ao se cargo de concelleira en Ames ao trasladarse a Negreira. Nas eleccións dos 2019 incorporouse as listas do Partido Popular na vila.
O Psoe nicrariense ven tamén como marcha María Josefa Vázquez por razóns estrictamente profesionais e persoais.
Serán sustituidas por Juan José Noya Rodríguez e Teresa Duro Leis, respectivamente, nos seus grupos políticos.
