Bisbarra, 24 de abril do 2023 – Este martes comezan as obras de renovación do firme na autovía Santiago Brión e na conexión na de Pardiñas coas Galanas.
Os traballos suporán o corte dun dos carrís. A intervención na autovía supón un investimento de cinco coma nove millóns de euros que están asumidos no contrato de concesión de estas estradas. O prazo de execución é de catro meses.
O corte puntual nun dos dous carrís realizarase alternando o tráfico de ambos os sentidos polo carril que estea activo. Estas afeccións ao tráfico estarán debidamente sinalizadas mediante sinalización vertical e nos correspondentes paneis de sinalización variable.
As obras consistirán no acondicionamento do firme de puntos ou zonas singulares da autovía onde exista un deterioro acentuado, mediante o fresado de 5 cm de capa de rodaxe e a reposición de 5 cm con mestura intermedia.
Tamén se procederá ao selado de fisuras transversais e ao estendido de nova capa de rodaxe no tronco, ramais e enlaces. Estas actuacións complementaranse coa posterior reposición da sinalización horizontal e vertical.
A autovía AG-56 Santiago Brión ten unha lonxitude de once coma nove quilómetros e foi inaugurada no ano 2008. Só en este primeiro tramo mantén dobre carril aínda que o constante aumento de tráfico fai cada vez máis necesario que se prolongue ata Noia.