Bisbarra, 12 de xullo do 2023 – A Rapa das Bestas de Sabucedo trouxo, máis que nunca, visitantes, xornalistas e fotógrafos á pequena aldea estradense.
Tanto o programa de televisión de Jesús calleja, como a defensa do monte feita por Sorogoyen na gala dos Goya, puxeron baixo ao foco unha festa xa coñecida en todo o mundo. A habitual presenza de fotógrafos e cámaras multiplicouse este ano ata encher a bancada prevista para a prensa.
Ao silencio respectuoso cando as bestas entran no curro seguiu outro para escoitar ao presidente da Asociación Rapa das Bestas, Paulo Vicente Monteagudo. Dirixiuse ao público para lembrar que a loita para evitar a implantación de proxectos eólicos nos montes onde viven as bestas continúa. Que é preciso conseguir canto antes a declaración BIC e que todos temos que empuxar para lograla.
Unha festa que ven do século XVII pero que se miramos aos petróglifos, con imaxes de homes montando bestas, lévanos a varios séculos antes de Cristo. Unhas bestas que conservan intacta a pureza da sangue desde hai centos de anos xa que non se introduciron cabalos de fora en ningún momento. Un patrimonio xenético a preservar en tempos de especes en perigo de extinción.
Un pobo, en definitiva, que garda unha tradición que, en contraposición con outras máis encomiadas, coida dos animais e non só os días da Rapa se non todo o ano. Unha tradición coa que a Asociación Rapa das Bestas conseguiu demostrar que hai outro xeito de facer as cousas e que coidar das bestas e dos montes e coidar do noso futuro.
