A cita está organizada polos departamentos de orientación dos institutos de Bertamiráns (Ames), Brión e Negreira co apoio dos tres concellos.
O Pavillón de Pedra Mamoa en Negreira será oespazo que acolla a Feira das Profesións o vindeiro día 24 de abril. Os IES de Bertamiráns, Brión e Negreira, e o do Milladoiro como convidado, reunirán a 63 expositores entre centros de Formación Profesional, as tres universidades, empresas e profesionais independentes.
A previsión dos organizadores apunta a unha participación superior ás 1.600 persoas. Pola mañá farano os estudantes dos catro centros en dúas quendas de aproximadamente setecentos alumnos por quenda que se desprazarán en autobuses ata o complexo deportivo negreirés.
Pola tarde, de catro a seis e media, a feira abrirá as súas portas ás familias. Ademais, unha vintena de alumnos colaboran na organización mediante varios grupos de traballo.
