Bisbarra, 4 de outubro do 2022 – Pese a oposición os trámites administrativos non se poden parar e agora sae a exposición pública a liña de alta tensión de Troitomil a Banzás, nos concellos de Negreira e A Baña.
En esta fase é onde concellos e veciñanza poden realizar alegacións, a oportunidade para parar moitas de estas infraestruturas. O proxecto LAT 132kV corresponde aos parques eólicos de Troitomil e Banzás. A exposición pública chega tras o acordo do 8 de setembro de 2022 da Xefatura Territorial da Coruña da Vicepresidencia Primeira e Consellería de Economía, Industria e Innovación.
O proxecto ten un prazo de execución de seis meses e un orzamento próximo aos dous millóns de euros. As alegacións pódense presentar nun prazo de 30 días, a contar desde hoxe martes 4 de outubro, data prevista para a publicación no Diario Oficial de Galicia. A liña afectará a 458 propietarios e a terreos, na súa maioría, de labranza, prados e forestal. Toda a documentación atópase no seguinte enlace.