Bisbarra, 3 de xuño do 2024 – No marco de Turexpo, en Silleda, foi presentado programa de sendeirismo Goza do Ulla 2024 que ofrecerá 18 rutas pola beira do río.
Goza do Ulla está impulsado polos vinte concellos polos que pasa o río e durará desde este mes ao de outubro. Cada unha das 18 rutas está programada nun Concello bañado polo río que discorre polas provincias de Lugo, A Coruña e Pontevedra. Nesta edición os concello de Dodro e Rianxo, e Vedra e Teo, comparten as súas rutas.
Programa Goza do Ulla
O programa Goza do Ulla naceu no ano 2011 coa participación de cinco concellos (Touro, Boqueixón, Vedra, Santiso e Arzúa). Trece anos despois toman parte 20 municipios de tres provincias: Lugo Pontevedra e A Coruña.
Son os concellos da Estrada, Agolada, Antas de Ulla, Arzúa, Boqueixón, Catoira, Dodro, Monterroso, Padrón, Palas de Rei, Pontecesures, Rianxo, Santiso, Silleda, Teo, Touro, Valga, Vedra, Vila de Cruces e Vilagarcía.
O primeiro de estas camiñadas terá lugar o día 29 en Valga baixo o nome de “Entre telleiras e outros comercios” e de 16 quilómetros. O 6 de xullo Dodro e Rianxo compartirán a ruta “As Brañas tres cruces” con 14 quilómetros de percorrido.
Ao día seguinte, 7 de xullo, Monterroso acolle “A pena do corvo e muíño do alemán” de 5 quilómetros. A última cita de xullo será en Boqueixón co “Roteiro de pescadores” de 9,6 quilómetros.
As citas continuarán ata o mes de outubro e iremos dando boa conta delas.
