Eleccións 23, 18 abril – A medida que se acerca maio os partidos van pechando listas, unha oportunidade para facer actos públicos nos que valorar o apoio que van conseguindo mesmo entre os seus.
O BNG de Ames aínda non fixou data para o acto pero si que fixo pública toda a candidatura. O candidato, David Santomil, levará no 2 e o 3 ás concelleiras Natividad González e Escarlata Pampín. Segundo Santomil é unha lista “reflexo da sociedade amiense” ademais de estar avalada e consensuada coa militancia.
Presentacións para elixir
Tamén en Ames, o PP vai anunciado unha lista que despois de incorporar ao actual concelleiro de Ciudadanos, José Ramón Oulego, agora presenta a Ana Coto como número 2 despois da candidata Oliva Agra. Coto vive en Bertamiráns desde o ano 2000 e traballa na Xunta de Galicia desde hai 27 anos, na actualidade nos servizos xurídicos do SERGAS. A lista será presentada este mércores no Pazo da Peregrina a partir das oito da tarde.
En Compostela o BNG tamén celebrará o seu acto público este mércores , oito e media, na Sala Capitol, un lugar que estase a converter no epicentro dos actos electorais. A candidata, Goretti Sanmartín, di que ““Este evento de presentación da candidatura vai servir para coñecer o equipo que temos preparado para transmitir o moito que pode gañar Santiago co BNG no goberno municipal”.
O venres 21 tamén presentará candidatura outra agrupación do BNG, en este caso a de brión. A candidatura está encabezada polo actual responsábel local e concelleiro Xosé Luís Penas Corral. O acto terá lugar na Casa da Cultura de Brión a partir das oito e media da tarde.
Xa na próxima semana, o día 25, será a quenda do Proxecto Común de Teo que substitúe a Son de Teo. María López leva no último posta da lista a o actual alcalde Rafa Sisto que abandona a política en primeira fila. A cita na Carballeira de Luou, se non chove, e se non no local social A Mamoa.
