Sesión constitutiva IX Lexislatura
Bisbarra, 05/11/2026 – O Parlamento de Galicia recibirá novas demandas de arranxos integrais para colexios da bisbarra. Serán en este caso os CEIP Castelao de Ordes e O Coto de Negreira. Queixas que se veñen repetindo desde hai meses.
Por unha banda será o grupo socialista o que leve á Comisión 4º de Educación e Cultura, a situación do CEIP Castelao de Ordes. O PSdeG di que “a situación do CEIP Castelao de Ordes é especialmente preocupante. Trátase dun centro cunha infraestrutura que conserva, en boa parte, os materiais orixinais cos que foi construído nos anos 50, o que evidencia a necesidade dun proxecto serio de modernización e posta ao día”.
Os socialistas recollen demandas da ANPA referidas ao estado da fontanería, con incidencias graves nos baños ou irregularidades na calidade de auga; ou o deterioro do pavimento do patio, que presenta riscos evidentes para o alumnado e dificulta o seu uso en condicións seguras durante boa parte do ano.
O centro precisa ademais melloras urxentes en materia de accesibilidade universal, xa que mantén barreiras arquitectónicas e carece de elementos de accesibilidade cognitiva e sensorial. A isto súmase a necesidade dunha revisión en profundidade das cubertas, debido á preocupación existente pola posible presenza de amianto e ao evidente desgaste dos materiais actuais.
Todas estas deficiencias, sumadas ao deterioro xeral do inmoble, fan inviable calquera actuación parcial. O CEIP Castelao precisa unha intervención integral, programada, financiada e executada pola Xunta de Galicia, que permita asegurar que o centro cumpre cos estándares mínimos dunha educación pública de calidade no século XXI.
O Coto en Negreira
O outro caso que chegará ao Parlamento e o do CPI O Coto de Negreira. A deputada nacionalista e agra concelleira en Santiago Saleta Chao, nonn é a primeira vez que denuncia a situación do CEIP O Coto de Negreira e volveu a denunciar a situación no pleno do Parlamento.
Trátase, segundo explicou, dun centro con máis de cincuenta anos nun estado “dramático”, pois non cumpre “os estándares aceptables en pleno 2026”. Entre outras deficiencias, Chao, aludiu ás “deficiencias estruturais” do edificio, con buratos nas portas, zonas de patio nas que non se pode xogar porque non son seguras, problemas na fontanería, unha instalación eléctrica que falla todos os días e varias veces na mesma xornada, áreas inaccesibles e ata un ascensor con escaleiras.
Chao lembrou que hai seis meses o BNG xa preguntou polo estado deste CEIP no Parlamento e que desde entón o único que fixo o Goberno do PP foi poñer “escusas” e facer “anuncios” sobre os que nin se avanzou no verán nin aparecen sequera reflectidos nos orzamentos da Xunta para o ano 2027,nos que no hai ningunha partida para este centro.
“Non sei como non se lles cae a cara de vergonza”, reproboulle ademais ao conselleiro, a quen afeou volver ao Pleno como mesma resposta escrita de hai seis meses. “É vostede o máximo responsábel da Consellería e vén aquí a facer o mesmo en todos os plenos: botar balóns fóra e deixar en evidencia a súa inutilidade do seu Goberno para dar resposta a necesidades básicas”, criticou.
