Bisbarra, 21 de setembro do 2022 – Ás queixas xeneralizadas no rural polas dificultades de acceso aos servizos bancarios súmase agora as denuncias de abandono da sucursal de Abanca de Touro.
O grupo socialista no concello denuncia o desleixo da entidade coa veciñanza. Acusan a Abanca de “falta de compromiso e o mal funcionamento da oficina de Touro, única do municipio”.
Emma López, voceira socialista, lamenta que “non se esixa por parte do goberno de Ignacio Codesido (PP) o bo funcionamento do caixeiro e da sucursal xa que é un servizo básico para a cidadanía”.
A concelleira engade que ñe habitual que os veciños teñan que desprazarse a concellos da contorna polo mal funcionamento da sucursal e porque “o caixeiro está fora de servizo como sucedeu esta mesma semana”.
O Grupo Municipal Socialista pide ao Alcalde que “deixe de poñerse de perfil e que apoie a veciñanza para loitar contra esta inxustiza e facer un fronte común para esixir que a entidade bancaria mellore a atención á veciñanza en Touro”.
Gemma López di tamén que de non reverter a situación “Instamos ao goberno municipal a retirar todos os fondos do Concello de Abanca”.
