Compostela, 4 de maio do 2017 – Desde o pasado martes a Biblioteca Concepción Arenal permanecerá aberta 24 horas ao día de xeito ininterrompido ata o próximo 8 de xuño.
Esta é unha das medidas incluídas nos horarios extraordinarios de apertura das bibliotecas da USC, horarios que xa se veñen aplicando dende mediado do pasado mes en distintos centros dos campus de Santiago e Lugo.
Ademais, a Facultade de Ciencias Económicas e a Sala de Lectura de Dereito reforzarán esta oferta en fins de semana e festivos, períodos nos que abrirán de 10.00 a 22.00 horas, igual que a Biblioteca Xeral. Esta última, entre o 22 de maio e o 2 de xuño, ademais de nas fins de semana e festivos tamén abrirá de luns a venres de 8.30 a 3.00 horas.
About the Author
