Teo, 19 de marzo do 2018 – Esta fin de semana o equipo de Softbol e Béisbol Os Tilos proclamouse campión da liga de Sóftbol Indoor na categoría cadete.
O Béisbol Os Tilos tivo que enfrontarse na competición ao Lume Béisbol Club (Lugo) e ao Club de Béisbol e Sóftbol Cambre. A liga desenvolveuse en tres xornadas: a primeira delas no campo de Cambre, a segunda en Lugo e a última en Teo.
Na última xornada da liga o equipo de Cambre obtivo o 2° posto, tras disputar dous partidos moi rifados contra o equipo de Os Tilos. No intermedio entre os partidos de ida e volta, a afección puido gozar dun partido amigable entre os canteiráns máis pequenos dos dous clubs participantes, onde a vitoria tamén foi para os alevíns de Max Contreras por 22-11. Ao final da xornada tivo lugar a entrega de trofeos.
