Bisbarra, 21 de outubro do 2024 – Os obradoiros de emprego creceron en toda a bisbarra como un recurso que permite ensinar ao tempo que, en moitos casos, axuda a empregar aos estudantes.
Os concellos de Negreira, Val do Dubra e Santa Comba) aposta pola formación nun obradoiro de emprego en limpeza de espazos abertos, instalacións industriais e operacións auxiliares de revestimentos continuos.
A Mancomunidade de Ordes pola súa banda repite a fórmula dun obradoiro de emprego dual que en esta ocasión centrarase en formar en pintura industrial e colocación de elementos de carpintería.
En ambos os dous obradoiros de emprego o número de prazas dispoñibles é de 20. O prazo para inscribirse no da Barcala remata mañá martes e faise por medio da oficina de emprego. Leva por nome Rexenera 2024.
No caso do obradoiro da Mancomunidade de Ordes o prazo de inscrición é máis amplo e rematará o vindeiro día 28. Farase tamén a través da oficina de emprego, de xeito telemático ou na sede física da mesma en Ordes.
O Obradoiro de Emprego da Barcala terá unha duración de 9 meses. Os destinatarios deste Obradoiro deberán ter unha idade igual ou superior aos 18 anos. O alcalde de Val do Dubra, Diego Luis Díaz Méndez, destaca que “desde o
Concello asumimos unha vez máis a promoción dun obradoiro de emprego, co dobre beneficio que isto supón. Por unha banda, permitirá a varios veciños e veciñas do municipio adquirir formación e, posteriormente, facilitar a súa incorporación ao mercado laboral. Por outra, as accións desenvolvidas terán un impacto directo no territorio, xa que se centran en dúas liñas de formación de especial interese para a comunidade, das que tamén poderemos desfrutar no noso concello”.
No caso da Mancomunidade de Ordes o programa formativo terá tamén unha duración de nove meses e, durante o mesmo, o alumnado-traballador realizará unha parte teórica e tamén unha práctica que se materializará por medio de traballos nos municipios da Mancomunidade.
Para dar continuidad á última edición do taller, as persoas participantes seguirán traballando no proxecto de rehabilitación da antiga estaciónferroviaria da Pontraga (Ordes). Pola outra, poñerán en práctica todo o aprendido durante as sesións coa execución de traballos na estación de Trasmonte (Oroso) e nos locais sociais dos concellos da comarca.
