A Cardeso acúsaselle formalmente de malversación e e inclúese na demanda a súa esposa, Carmen Silva, por cooperadora necesaria no mesmo delito e por outro de apropiación indebida.
O xulgado de instrución número un de Negreira ven de ditar un auto polo que se lle abre xuízo oral ao ex alcalde da Baña Andrés García Cardeso. O Fiscal pediu o sobresemento da causa pero estimouse a demanda particular presentada polo concello da Baña. Pídeselle un ano de prisión, 3 meses e un día de multa, inhabilitación especial para cargo o emprego público e dereito de sufraxio durante dous anos e as costas do proceso.
A súa esposa, Carmen Silva, acusáselle como cooperadora necesario ou apropiación indebida, pídenselle seis meses de prisión e un mes e un día de multa, Inhabilitación especial para cargo o emprego público y dereito de sufraxio pasivo por un ano ademais das costas.
No auto de apertura de xuízo oral contra Cardeso o Xuíz pide tamén unha fianza de 1.700 euros que “asegure as responsabilidades pecuniarias que puideran impoñérselle”. O auto declara como órgano competente o Xulgado do Penal da Coruña.
Este auto ven a confirmar o que anticipamos no mes de marzo e que podedes ler aquí . Hai que lembrar que o ex alcalde García Cardeso tivo oportunidade de devolver os teléfonos desaparecidos e negou ter nada que ver. Foi a investigación da denuncia a que localizou os móbiles que se seguían usando.
