NormalizAutismo Galicia defínese como “unha asociación sen ánimo de lucro promovida por familiares e amigos de persoas con trastornos do espectro do autismo ( TEA)”.
NormalizAutismo loita por conseguir unha mellor calidade de vida das persoas con TEA e tamén, e non menos importante, que a sociedade coñeza que é e que significa este trastorno. Para coñecer un pouco máis o traballo que fan falamos con Isabel González, presidenta de NormalizAutismo.
Isabel é granadina aínda que leva tempo aquí en Galicia. Cóntanos que a asociación naceu para reforzar o traballo que se fai na comunidade con campañas de sensibilización, dando a coñecer que é o TEA
A Organización Mundial da Saúde describe os trastornos do espectro autista (TEA) como “un grupo de afeccións caracterizadas por algún grao de alteración do comportamento social, a comunicación e a linguaxe, e por un repertorio de intereses e actividades restrinxido, estereotipado e repetitivo”. A definición é correcta como diagnóstico pero insuficiente para coñecer o que senten os que rodean a persoa con TEA. Isabel González describe moi ben o que supuxo a chegada do seu fillo
O descoñecemento que a sociedade en xeral ten do TEA é o que move a NormalizAutismo. A semana pasada organizaban un concerto en Santiago para recaudar fondos cun fin moi claro no que están centrados, conseguir que as campañas de divulgación duren todo o ano
Podedes contactar con Mormalizautismo a través da súa web
Con esa intención de divulgar preguntamos polos primeiros pasos cando se diagnostica un TEA
O plano educativo, a escola, é fundamental; en este terreo a presidenta de NormalizAutismo considera que as melloras están ben encamiñadas
Coma sempre o que falta é o que leva implícito o nome da asociación: normalizar o TEA. Cando no noso entorno vexamos algunha persoa con este trastorno temos que entendelo e axudar no que se poda dun xeito normal, como faríamos en calquera outro caso
NormalizAutismo fai un traballo determinante para difundir un trastorno que engloba a milleiros de persoas con moi distintas capacidades tal e como explica a Organización Mundial da Saúde ” O nivel intelectual varía moito dun caso a outro, e vai desde unha deterioración profunda ata casos con aptitudes cognitivas altas”.
É tarefa de todos normalizar e aprender de estes trastornos; entender que que o que definimos como “normal” non se da practicamente en ningún ser humano.