Padrón, 15 de xuño do 2017 – Aser Estévez do Club Ciclista Padronés Cortizo-Anova fíxose co premio da Montaña no XXXV Gran Premio San Antonio en Burgos.
O Cortizo-Anova disputou este martes en Villasana de Mena (Burgos) o XXXV Gran Premio San Antonio cunha boa actuación do conxunto na que o equipo padronés mostrouse moi ambicioso.
O test constaba de 129 quilómetros con saída e meta en Villasana de Mena, un percorrido con tres pasos polo porto Elcarel. Precisamente, o Premio da Montaña levoullo Aser Estévez, quen xunto a Raúl García de Mateos e Pedro Gregori, estiveron presentes na escapada da xornada. Finalmente, a vitoria decidiuse ao sprint, alzándose coa vitoria López-Cozar (Fundación Euskadi), conseguindo cruzar a meta Estévez en quinta posición e García de Mateos, en novena.
Volta Ciclista ao Ribeiro
Este sábado día 17 de xuño os corredores volven á carga na XLI edición da Volta Ciclista ao Ribeiro, proba que puntuará para o calendario nacional. Á cita están convocados: Aser Estévez, Samuel Rodríguez, Anxo Fraga, Pedro Gregori, Gonzalo Cubino, Raúl García de Mateos, Mario Arranz, Iván Prieto, Paulo Silva e Hugo Vaz.
