Compostela, 25 de xaneiro do 2019 – Este domingo ás 12 h no campo de Rugby da USC o equipo feminino do Santiago Rugby Club xogará o seu primeiro partido como local no que vai de liga.
Ademais tamén será a estrea do novo campo de Rugby para as xogadoras do Club Compostelán. Como convidadas de honra ao evento tamén asistirán algunhas ex- xogadoras do antigo CDU así como nenos da Escola de Rugby Valentes. Realizarase un breve acto antes do partido en homenaxe ás ex xogadoras no que se lles pasará a “testemuña” do rugby ás xogadoras senior e estás farán o mesmo cedéndollo ás nenas da Escola.
Tras este emotivo xesto dará comezo o partido da liga galega de Rugby entre o SRC e o equipo de Rugby de Lalín. Poderán adquirirse as entradas gratuítas para o partido en www.rugbyencompostela.com
