Arzúa, 9 de marzo do 2022 – Os estudantes do colexio Nosa Señora do Rosario de Arzúa desenvolven o proxecto “O horto da inclusión” ata finais do 2023.
Durante os vindeiros meses os cativos converteranse en agricultores. A idea principal do “O horto da inclusión” é compartir sementes das diferentes rexións e países nos que se desenvolve o proxecto. Outro dos obxectivos é a creación de lazos de colaboración coa comunidade onde está inmerso cada centro fomentando a convivencia e a solidariedade.
Un “O horto da inclusión” internacional
“O horto da inclusión” está dentro dunha iniciativa denominada Erasmus Internacional. Despois de realizar a solicitude para a participación no programa europeo INCOFASE os colexios seleccionados corresponden a Turquía, Romanía, Bulgaria, Portugal, Italia e España. Será coa mobilidade do profesorado como eixo para vertebrar o proxecto.
Cada un dos grupos terá unha función específica dentro do proxecto para posteriormente compartir o aprendido e xeneralizar as aprendizaxes teórico-prácticas adquiridas. Tres grupos compoñen o proxecto onde se colaboran e cooperan alumnos das tres etapas educativas (infantil, primaria e secundaria).
O primeiro deles traballa na creación de toda a infraestrutura: macetas, sistemas de regadío e recursos necesarios. O segundo grupo prepara os procedementos para a plantación, selección de plantas, crecemento, calendarios de recolección, etc. Por último, o terceiro grupo traballa na globalización e integración cos demais centros participantes no programa, búsqueda de información de festas e gastronomía asociada ás plantas e comunicación dos coñecementos creados.
Como grupo adicional, o equipo de prensa é o encargado do blog e as diferentes notas de prensa para informar dos avances do proxecto.