Compostela, 12 de maio do 2021 – A Xunta de Goberno de Compostela aprobou as bases que regularán a venda ambulante, anual e de tempada, en Compostela.
O regulamento establece as ubicacións na vía pública, o números de postos así como as datas e horarios de venda. A aprobación permitirá iniciar o procedemento para conceder autorizacións de venda ambulante en Compostela.
No caso da venda de artesanía a norma establece 33 postos, distribuídos en Praza da Inmaculada (17), Praza Salvador Parga (7), Praza San Clemente (8), e Praza Fonseca (1 posto de fotógrafo).
Establecese un sistema de rotación semana dos postos, excepto o fotógrafo. En canto as datas e horarios da actividade, poderase exercer desde as 09:00 h. ata as 21:00 h., diariamente, no período comprendido entre o 10 de xuño e o 30 de setembro.
Por outra banda a venda ambulante de tempada en Compostela regulará a actividade dos postos de xeados, castañas e recordos. Poderán instalarse en Porta Faxeira, Praza do Toural, Cantón do Toural, Praza de Cervantes, Praza da Inmaculada, Alameda, Praza Roxa, Hórreo, Xoán XXIII e Dársena de Xoán XXIII.
Os postos de xeados e castañas poderán instalarse, un por emprazamento, en Porta Faxeira, na Praza do Toural, no Cantón do Toural, na Praza de Cervantes, na Alameda, na Praza Roxa, e no Hórreo. E os de recordos ou souvenirs: catro postos en Xoan XXIII, un posto na dársena de Xoan XXIII, e seis postos na Praza da Inmaculada.
Establecerase tamén un sistema de rotación nas diferentes ubicacións. A actividade poderá exercerse desde as 09:00 h. ata as 21:00 h., diariamente.
Os postos de tempada de castañas poden exercer a súa actividade entre o 1 de novembro e o 31 de marzo. Os de tempada de xeados, do 1 de abril ao 31 de outubro. E os postos de recordos, do 15 de marzo ao 31 de outubro.
A normativa de Compostela desenvolveuse de acordo coas recomendacións da Comisión Asesora do Patrimonio Histórico. O obxectivo é según o concello dar resposta as peticións, tanto das persoas que realizan actividades de venda ambulante, como do colectivo de artesáns; e dinamizar zonas que actualmente quedan máis afastados do percorrido turístico habitual.
