Rois, 28 de decembro do 2021 – A pasada semana o pleno municipal de Rois aprobaba, cos votos a favor do PP e en contra do Psoe, a Conta Xeral correspondente ao ano 2020.
A Conta Xeral 2020 xa fora sometida a exposición pública, e despois da aprobación definitiva será remitida ao Consello de Contas.
A preguntas do portavoz socialista, a interventora municipal explicou que o nivel de endebedamento do Concello é do 28,5%, moi lonxe do límite legal que supera o 115%.
Melloras na cobertura telefónica
En outro orde de cousas a pasada semana Telefónica confirmoulle oficialmente ao Concello de Rois a entrada en funcionamento da antena de telefonía móbil de Augasantas.
Telefónica informou que a nova estación, denominada Rois Liñares, ten previsto cubrir a estrada AC-301 e mellorar a cobertura das parroquias de Vilachán, Leroño, Sabacedo e Ermedelo tanto con tecnoloxía 3G como con 4G.
