Compostela, 23 de xullo do 2017 – As Festas do Apóstolo celebran hoxe unha das citas máis tradicionais, a Festa do Escalo e Chaián ademais do programa Artellando que ocupará todo o día.
Boa mostra da importancia da Festa do Escalo no Apóstolo e que chega a edición XLIII co seu concurso de ciprínidos e a romaría ao longo de todo o día, o lugar coma sempre a área recreativa de Chaián.
As doce e media Compostela recibe a visita da Banda Recreativa San Xoán de Calo baixo a batuta de Moncho López Couso. A cita en Praterías as 12.30 do mediodía.
A sesión vermú do Apóstolo este domingo sera con Presumido na praza de Cervantes a unha e media da tarde.
O Artellando comeza as nove da noite nos recunchos, en este caso no Parque de Bonaval, artes escénicas con Torre de Babel e: Cerebro, artes, acción.
Este domingo é tamén o dedicado a xornada de folclore a partir das nove e media na Quintana con Brincadeira, Cantigas e Agarimos. Ponte Vella e Ultreia.
Artellando na noite deixanos unha sopresa no Toural. O Apóstolo recibe a La Shica, dous premios da música como artista e autora revelación. Unha muller que fusiona o pop co flamenco ou o hip hop cunha facilidade pasmosa, e todo mentres mestura danza clásica e baile flamenco. Un luxo a partir das once da noite no Toural.
