Bisbarra, 17 de setembro do 2021 – Representantes do BNG explicitaron hoxe o seu apoio á planta de reciclaxe de residuos de Lousame e aos seus traballadores.
Deputados nacionalistas e concelleiros dos municipios que integran, ou traballan, coa Mancomunidade Serra do Barbanza deron unha rolda de prensa para explicar a súa postura sobre a planta de Lousame.
David Santomil é o voceiro do Bloque en Ames, un dos concellos nos que os traballadores de Lousame recollen o lixo
A planta de Lousame nunca chegou a ter unha estabilidade na xestión, unha das queixas dos traballadores como contamos no seu día. Santomil explica que un dos motivos é a presidencia rotatoria da Mancomunidade polo que reclaman un organo de xestión permanente
Desde o BNG reclámase a volta a os orixes da planta. Buscar un modelo descentralizado de tratamento do lixo que sexa máis sostible, en contraposición co modelo Sogama, e que ademais poida xerar emprego local
O Bloque Nacionalista galego ten a intención de levar este tema ao Parlamento para instar á Xunta á colaboración con este modelo e garantir os postos de traballo máis alá do 2023.
