Imaxe do IES que será reformado
Ames, 13 de marzo do 2018 – O cambio na dirección da ANPA do IESP de Ames non serviu para pechar as feridas abertas e agora os país, xa representantes oficiais,acusan a dirección de bloqueo.
A Xunta Directica da ANPA do IESP de Ames di nun comunicado que quere “denunciar públicamente o BLOQUEO ó que se lle pretende someter por parte da Dirección do Centro”. Os pais explican que “A día de hoxe, 1 de Marzo de 2018, son xa varias as solicitudes rexistradas no Centro, ás que non se lle deron resposta por parte da Dirección do Centro. Concretamente esta ANPA solicitou:
1. Consultar as actas dos Consellos Escolares onde se aprobaron os itinerarios do Curso 2017/18, así coma os criterios recollidos no Proxecto Educativo da Dirección do Centro para a elaboración de ditos Itinerarios.
2. Coñecer o Proxecto Educativo do Centro e Proxectos Curriculares de Etapa.
3. Acceder ó Informe da Comisión de Convivencia do Curso 16/17, e saber tamén quen forma a Comisión de Convivencia do Centro, amosando o noso interese en pertencer á
mesma.
4. Ser informados dos partes existentes no curso 17/18, e a valoración pedagóxica da
exclusión do alumnado afectado da celebración do Entroido.
5. Unha canle de comunicación coas Xefas e Xefes de Departamento do IESP.
6. Coñecer as actas dos dous últimos Consellos escolares, e no caso de non estar
aprobada algunha delas, o borrador”
A ANOA do IESP di que o seu compromiso .”era, e segue sendo botar luz sobre o funcionamento do Centro,
e se a Dirección do Centro non está á altura, a nosa obriga é denuncialo a todas e cada unha das instancias pertinentes”. Engaden que .”A esta omisión de información, que máis alá de valoracións legais, cabe sinalar como de irresponsable e irrespetuosa co órgano lexítimo de representatividade de TODAS as familias do IESP, vense á sumar a censura das nosas comunicacións co conxunto das familias do centro”, A Asociación refírese a negativa da dire ción a enviar os comunicados da ANPA por medio dos nenos xa que “ten recibido queixas de pais que non son socios e non queren recibilas”.Aínda que a dirección si se mostra disposta a enviar as convocatorias de reunións ordinarias.
Para os representantes dos pais “esta medida non ten precedentes e deixa á ANPA fora do Centro e da comunicación directa coas Familias, con TODAS as Familias, que é o sentido que teñen as ANPAS. Sirva este Comunicado para dar evidencia de este intento de BLOQUEO, e do noso máis firme rexeitamento. Polo tanto, voltamos ós comunicados á prensa.!”
