Bisbarra, 13 de marzo do 2023 – O concello de Ames ven de convocar a vixésima edición do Certame Literario do concello ao que se poden presentar textos de narrativa e poesía en lingua galega.
O certame Literario de Ames organízase desde a concellaría de Normalización Lingüística. A titular, Escarlata Pampín, acompaña de técnicos do departamento como Rosa Moreiras e Fátima Souto foi a encargada do acto celebrado no Pazo da Peregrina.
As candidaturas poden presentarse ata o vindeiros 12 de abril. As bases completas do certame están na seguinte ligazón bases e a ficha de inscrición pódese descargar desde aquí .
O certame é unha das iniciativas culturais máis consolidadas no Concello de Ames, e serviu como plataforma de despegue de numerosos escritores e escritoras. O obxectivo segue sendo a promoción da creación literaria en lingua galega e que serva ao tempo para reforzar o proceso de normalización lingüística.
Escarlata Pampín, explicou que“este é un certame xa consagrado, o que para nos é todo un orgullo. Ao longo da vida do concurso pasaron multitude de autores e autoras que lograron ter recoñecemento mesmo fora das fronteiras de Ames, no ámbito autonómico e estatal”.
Premios
Para cada modalidade e categoría establécense tres premios.. Para os/as participantes menores de 13 anos, o primeiro premio é de 200 euros, o segundo de 170 e o terceiro de 140.
Para os/as participantes de entre 14 e 17 anos o primeiro premio está dotado con 230 euros, o segundo con 200 e o terceiro con 170.
Finalmente na categoría absoluta o primeiro premio será de 300 euros, o segundo de 260 e o terceiro de 230.
O Concello de Ames publicará os traballos premiados nunha antoloxía creada para tal efecto, sen apercibimento de dereitos de autoría e compensando os autores ou autoras con cinco exemplares do volume que se edite.
Para esta publicación, as persoas gañadoras do certame deberán entregar os textos en formato dixital. Se o autor ou autora publica pola súa conta algún dos textos gañadores, deberá facer referencia ao premio obtido neste certame.
