займ срочно

 “Fai tribo!” Ames busca voluntarios

0

Bisbarra, 16 de xaneiro do 2024 – O OVA, oficina de Voluntariado de Ames, desenvolve unha campaña na procura de novos colaboradores baixo o lema “Fai Tribo!”.

O obxectivo desta iniciativa é visibilizar a labor dos voluntarios/as e incentivar a colaboración da veciñanza. A presentación tivo lugar na Casa da Cultura de Bertamiráns e contou coa participación de Uxía García, concelleira de Benestar Social; Rubén Ramos, técnico da Oficina de Voluntariado; e Doli Folgar, da empresa Fotoegrafica, encargada do deseño da campaña gráfica.

Aínda que esta campaña está aberta durante todo o ano, durante estas semanas intensifícase co obxectivo de animar á cidadanía a que participe nas actividades. Ao longo deste mes de xaneiro irán abríndose os prazos de inscrición para as distintas campañas que organiza a Oficina do Voluntariado de Ames.

Durante o acto, a concelleira de Benestar Social, Uxía García, explicou que as accións desenvolvidas pola OVA buscan “axudarnos entre veciños e apoiar aos colectivos vulnerables, participando nas súas vidas con apoios específicos”. Así mesmo, afirmou que  o que se persegue con Fai tribo!, é renovar o plantel de voluntarios e voluntarias: “Precisamos un aire fresco, xente nova con ganas de traballar e que propoña novas liñas de actuación”.

Nesta mesma liña se expresou Rubén Ramos, técnico da Oficina de Voluntariado de Ames, que afirmou que “en Ames o voluntariado está moi arraigado, pero sempre temos que dar un paso máis, para revitalizar todas as liñas de acción”. Tamén aproveitou para animar á veciñanza de Ames e de concellos da contorna a colaborar e dedicar algo de tempo a quen máis o precisa. Rubén Ramos dixo que na actualidade hai 28 voluntarios/as en activo e quixo destacar que a Oficina de Voluntariado de Ames púxose en marcha no ano 2001 sendo unha das primeiras de Galicia.

Os que queirn formar parte da OVA poden dirixirse á Oficina do Voluntariado, situada na Casa da Cultura de Bertamiráns. Para máis información poden chamar ao 662 37 70 44, contactar a través do correo electrónico voluntariado@concellodeames.gal ou no Facebook da oficina do voluntariado.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies