займ срочно

V Festival Internacional Cinema Miúdo en Ames

0

Bisbarra, 11 de novembro do 2022 – Ames ven de presentar a quinta edición do festival cinematográfico Cinema Miúdo, que se celebrará do 24 ao 27 de este mes.

O Cinema Miúdo 2022 terá a conciencia medioambiental como eixe principal. Desenvolverase nas Casas da Cultura de Milladoiro e Bertamiráns. O acceso será gratuíto para todas as proxeccións e actividades, sendo preciso reservar entrada na billeteira do Concello.

En total serán máis de 60 filmes os que se poderán desfrutar en Ames. Divididos en 6 bloques de curtametraxes a concurso, o festival tamén ofrecerá unha longametraxe, unha sesión de videoclips, actuacións, animación e un obradoiro. A produtora galega homenaxeada será Abano Producións e o festival convidado, o portugués Cinanima Junior.

Na presentación estiveron presentes a concelleira de Cultura do Concello de Ames, Natividade González; o deputado provincial da Deputación da Coruña, Xosé Luis Penas Corral;  o director do certame, Juan de Castro e a técnica de cultura do Concello de Ames, María Vázquez. Ademais, acudiu á presentación alumnado de sexto de educación infantil do CEIP Agro do Muíño, que puideron ver en primicia dúas curtametraxes que recollen os valores do festival.

Programación

A sesión inaugural terá lugar o venres 25 ás 17h na Casa da Cultura de Bertamiráns e contará coa proxección do bloque Axóuxeres 1 e a actuación de Barafunda, que ofrecerá un espectáculo de clown no que os globos terán gran protagonismo. A mesma compañía confeccionará uns adornos xigantes con globos que decorarán as casas da cultura durante todo o certame. Os globos utilizados son de látex natural e biodegradable.

En canto á sesión de clausura, celebrarase o domingo, 27 ás 18:30 na Casa da Cultura do Milladoiro e estará presentada por Peter Punk, quen irá desvelando as curtametraxes gañadoras e intercalando as proxeccións con números cómicos e musicais.

A sección oficial está formada por 37 curtametraxes seleccionadas entre as máis de mil recibidas polo equipo de programación. Como en anos anteriores, estarán divididas en bloques, atendendo tanto á temática dos filmes como a súa idade recomendada: Axóuxeres, para nenos e nenas de 2 a 7 anos, e Buxainas, para desfrutar a partir dos 7 anos.

A selección foi feita para espertar nos pequenos o interese polo sétimo arte, ofrecendo traballos variados e inéditos que tamén os conviden a reflexionar sobre o seu entorno e relacións. En palabras do director e programador do festival, Juan de Castro, “a sección oficial está pensada para abraiar tanto a nenos como a adultos, tanto pola calidade técnica das pezas como pola súa mensaxe”.

Xurado

Os filmes optan a dous premios do público e dous do xurado (un por cada categoría, respectivamente). O xurado estará formado por Miguel Anxo Alfonso Diz, escritor e contacontos de literatura infantil;  Paulo Mosca, ilustrador, animador e director de curtametraxes de animación, actualmente é o axudante de dirección da serie Pocoyó e Isabel Rey, produtora en Artefacto Producións, con filmes ás costas como O Apóstolo.

Sesión As nosas produtoras, dedicada a Abano Producións

En cada edición, Cinema Miúdo dedica unha sesión fóra de concurso a amosar o traballo dunha produtora galega. Este ano renderase unha pequena homenaxe a Abano Producións, estudo dirixido por Chelo Loureiro especializado en animación tanto para adultos como para nenos.

A produtora do estudo María Barro estará presente para falar cos e coas pequenos e pequenas asistentes e explicarlles o proceso de creación dun filme de animación. Tamén se proxectarán as tres mellores curtas infantís da produtora: A flor máis grande do mundo, O soldadiño de chumbo e O xigante.

Cinanima Junior, festival convidado

O festival terá o pracer de contar cunha “carta branca” de Cinanima, o festival de animación máis importante da península que conta cunha potente sección de filmes para público miúdo. Cinanima celébrase na cidade portuguesa de Espiño desde hai 46 anos.

Cinema Miúdo

Cinema Miúdo é un festival de cine infantil, que nace no concello de Ames en 2018. O festival quere proporcionar ao público miúdo galego a oportunidade de desfrutar de filmes inéditos, orixinais, sorprendentes e de descubrir olladas doutras partes do mundo. Deste xeito propíciase que a rapazada descubra o gusto polo cinema e fórmase un público futuro con sensibilidade artística, interese cultural e espírito crítico ante o consumo audiovisual. Algo de especial relevancia para o Concello de Ames, que ten a maior ratio de nenos e nenas de toda Galicia.

Nas anteriores edicións de Cinema Miúdo, o público gozou de sesións con filmes de Galicia, Francia, Corea, India, Afganistán, Marrocos ou Estados Unidos ademais de sesións específicas para escolares, mesas redondas para educadores, obradoiros, e sesións musicais.

608 596 382

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies