O Concello condena o acto vandálico e o púxo en coñecemento da Garda Civil do Milladoiro para presentar a correspondente denuncia.
O coidado do público é algo que nos corresponde a todos porque de todos son as infraestruturas deportivas que cada concello ten. A rotura dos vidros da pista de padel do Milladoiro, en Ames, por descoñecidos supón un gasto pero ademais un prexuizo para a veciñanza.
Os feitos sucederon durante a pasada fin de semana. Algunha persoa incívica ou grupo de persoas lanzaron pedras contra os vidros da pista municipal de pádel do Milladoiro provocando a rotura de ditos cristais. Un acto que se puxo en coñecemento da Garda Civil do Milladoiro para presentar denuncia.
Dende o goberno municipal condenan este acto incívico que suporá un gasto de 1.900 euros de fondos públicos de todos os veciños e veciñas de Ames. Debido a este incidente a pista de pádel estará fóra de servizo ata que se poida arranxar.
A pista está situada na zona norte do Milladoiro, nunha parcela que se atopa entre as rúas do Muíño Vello e do Buxo. O Concello de Ames conta con tres pistas municipais de pádel: no Milladoiro, Bertamiráns e na urbanización de Aldea Nova.
O lanzamento de pedras provocou a rotura de dous cristais da pista, deixándoa fóra de servizo dende este pasado luns 3 de novembro. Tralo incidente foi sinalizado con cintas por parte da Policía local para evitar danos por parte de persoas que pasen pola zona.
A concelleira de Deportes, Susana Señorís, explica que “é responsabilidade de todos e todas coidar as nosas instalacións deportivas municipais. Ante este acto vandálico faise un chamamento ao civismo e pídese facer un bo uso de ditas instalacións. Vaise a poñer a correspondente denuncia e oxalá se saiba quen foi o autor ou autores deste acto vandálico para que non quede impune”.
