Bisbarra, 10 de xaneiro do 2023 – Os traballos de remodelación dos vestiarios da area recreativa de Tapia, en Ames, sufriron os efectos do mal tempo que provocou a caída de parte do teito.
O Partido Popular denuncia que a obra de Tapia tiña que estar rematada en decembro e ese retraso foi, en parte, a causa dos danos. A reforma dos teitos, tanto dos vestiarios como do muíño, foron adxudicados por un importe de máis de 127.000 euros.
Os populares amienses lembran que a licitación foi en marzo pero a adxudicación foi no mes de xuño, cando xa estaban abertas as instalacións. O prazo de execución das mesmas era de dous meses pero tiveron que comezar en outubro polo que, en calquera caso, terían que estar rematadas en decembro pasado.
Para o Partido Popular “A nova estrutura de madeira viuse afectada as choivas e parte da cuberta desprendeuse, algo que podería evitarse de executarse en tempo a obra. Pero pedirlle a este goberno local que faga unha obra dentro do prazo parece xa algo imposible”.
