Bisbarra, 14 de febreiro do 2024 – O alcalde de Ames, Blas García, vén de enviarlle unha carta á Consellería de Infraestruturas e Mobilidade solicitándolle que se reforce o servizo de transporte público para o persoal sanitario residente en Ames.
Pídese que o reforzo do transporte contemple as tres quedas de traballo. Trátase dunha demanda dos propios traballadores/as do complexo hospitalario que están tendo serias dificultades para acudir aos seus postos de traballo debido á imposibilidade de aparcar nas inmediacións do CHUS.
O rexedor municipal indica na carta enviada á Consellería de Infraestruturas e Mobilidade que debido ás obras de ampliación do Hospital Clínico “vémonos na obriga de solicitar un reforzo do transporte para o persoal sanitario residente en Ames que cubra as tres quendas de traballo”.
Engade que “esta é unha demanda dos propios traballadores do complexo hospitalario, que están tendo serias dificultades para acudir aos seus postos de traballo debido á imposibilidade de aparcar nas inmediacións do CHUS”.
Esta solicitude está baseada no reiterado compromiso da Xunta de Galicia de “mellorar os servizos de transporte publico interurbano adaptándoos, na medida do posible, ás necesidades de mobilidade dos/as usuarios/as”.
