Uns pais puxéronse en contacto con Lindeiros ante a preocupación que está xerando a situación na comunidade escolar
O colexio de Ventín ten un problema de espazo que afecta especialmente ao comedor. En maio do ano pasado a proposta do concello de eliminar ou trasladar o departamento de orientación. para poder usar o espazo, foi rexeitada e un informe xurídico da Consellería tamén prohibía a medida.
Despois de esta polémica celebrouse un Consello Escolar ao que non acudiu ningún representante municipal. Foi a dirección do centro a encargada de trasladar a nova proposta que consistía en eliminar a aula de usos múltiples, algo que tamén foi rexeitado.
Onte recibimos en Lindeiros unha denuncia dos pais que explican que por falta de espazo os cativos están comendo no vestíbulo e nos pasillos do propio comedor. A decisión tomouse, segundo os informan, no comezo do curso. No Consello Escolar de setembro saíu o tema pero os representantes municipais, alcalde e concelleira de educación, mantivéronse en silencio.
Os pais enterráronse por medio dos fillos. Pode ser unha cuestión puntual de un día ou dous pero en calquera caso a preocupación existe xa que son zonas de evacuación en caso de emerxencia e teñen que estar sempre despexadas.
O ano pasado actualizouse o plan de prevención e realizouse un simulacro pero en aquel momento nin as mesas nin as cadeiras estaban onde agora se poden ver.
Os pais tamén din que “o concello garda silencio” o que tamén preocupa xa que o debate sobre onde situar o comedor ven de lonxe e o consenso parecía difícil de conseguir, esta nova situación engade un pouco máis de crispación.
