Bisbarra, 3 de novembro do 2022 – O Partido Popular incluirá nas emendas aos orzamentos do estado a construción dunha comisaría da policía nacional en Ames.
Tratase dunha petición do PP de Ames recollida no documento final do PP provincial que contén as 47 emendas que presentan aos orzamentos xerais do estado. Desde o PP local explican que se trata dunha vella petición que xa fpi levada ao pleno municipal en novembro do 2018.
Os populares lembran que en aquel momento “ a situación era preocupante polo crecemento das infraccións penais e a insuficiencia dos efectivos da Garda Civil e da Policía Local”.
Engaden que Ames, ao superar os 30.000 habitantes, compre con todos os requisitos tanto a nivel de poboación como de área de influencia. O concello foi incorporado no 2017 ao Portal Estadístico de Criminalidad do Ministerio del Interior que recolle a información sobre os indices de criminalidade.
O PP de Ames cifra o custo da construción da nova comisaría en catro millóns de euros. Xplican que complementaría a de Compostela e podería dar servizo a uns 70.000 veciños dos concellos de Ames, Teo, Brión, Vedra e Boqueixón.
O Partido Popular asegura que no primeiro trimestre de este ano “a criminalidade aumentou un 19,80% en relación co mesmo período do ano anterior”. Do mesmo xeito explican que no segundo trimestre o aumento foi dun 33%.
