Ames, 22 de xullo do 2020 – O Partido Popular de Ames ven de reclamar ao goberno municipal que remate coas obras do comedor do CEIP da Maía e do parque infantil da Praza de Chavián.
No caso das obras do novo comedor, os populares de Ames lembran que tiña que estar xa rematado. Os traballos comezaron no pasado verán coa intención de que entrara en funcionamento no curso que ven de rematar.
En febreiro o goberno amiense anunciaba que as obras estaban executándose pero na actualidade, según o PP, só se demoleron os módulos do comedor vello polo que faltan os traballos da estrutura, fachada, particións, carpintería e resto de instalacións como calefacción entre outros.
Parque infantil de Chavian
Os populares tamén critican o retraso do novo parque infantil da Praza de Chavián, en Bertamiráns. En este caso fan fincapé en que o retraso débese ” ás innumerables chapuzas das que é responsable o Goberno Local ao presentar un proxecto inicial cuxa execución tivo que suspenderse para proceder unha importante modificación do proxecto”. A obra leva según o PP dez meses de retraso, xa que tería que estar rematada en outubro pasado, e que fai máis dun ano que foi adxudicada.
