O Partido Popular pregunta pola entrada en funcionamento da nova cociña central que tería que servir aos comedores escolares do concello.
A piques de comezar un novo curso escolar os concellos apuran os últimos arranxos para que tódalas infraestruturas estean preparadas. En Ames o Partido Popular ven de preguntarao goberno municipal do socialista Blas García pola nova cociña central pensada para abastecer aos comedores escolares.
O PP lembra que nos últimos anos estase a traballar na instalación dunha cociña central que se encargue da elaboración de todos os menús que se sirvan nos distintos comedores de todos os centros educativos de Ames. Ante o comezo do curso os populares queren saber en que punto está esa nova infraestrutura.
Desde o goberno municipal asegúrase que a instalación está preparada e que este mesmo mes farase unha visita dos membros da corporación para que vexan o estado no que se atopa. Explican ademais que algúns traballadores xa están alí desde o 18 de agosto.
Pero o Partido Popular non se fía e quere saber si existe un plan B no caso de que non poda entrar en funcionamento xa que o comezo do curso non agarda. O que suceda saberase nas próximas semanas e veremos tamén , si entra en funcionamento, como funciona o modelo xa que en Compostela traballase nunha idea similar.
