Bisbarra, 30 de xaneiro do 2023 – O pleno municipal de Ames aprobou por unanimidade iniciar o expediente que permitirá a creación do transporte público do concello.
O transporte público e un proxecto que forma parte da EDUSI Impulsa Ames. O inicio do expediente ten como obxectivo final a implantación dun servizo de autobús municipal, complementado cun servizo de transporte baixo demanda, que conecte ás zonas de menor poboación co resto do concello.
Este transporte interno buscará pasar polo maior número posible de parroquias para achegar á poboación aos núcleos urbanos, ao mesmo tempo deberá conectar Bertamiráns e Milladoiro entre si. O primeiro paso foi a contratación da redacción dun plan de viabilidade.
Regulamento dos servizos complementarios
O Pleno aprobou tamén por unanimidade a resolución da única alegación presentada á modificación puntual do regulamento de funcionamento dos servizos Comedores escolares, Bos días cole e Tardes divertidas, polo que o cambio é xa definitivo.
Esta modificación consiste en eliminar toda referencia á presentación de orixinais, cotexo de documentos e copias cotexadas, salvo nos supostos excepcionais con amparo na propia normativa, favorecendo deste xeito a presentación electrónica das solicitudes polas persoas usuarias do servizo.
Servizo de Axuda no Fogar
O Pleno tamén aprobou por unanimidade a execución da prorroga obrigatoria ata a formalización do novo contrato do Servizo de Axuda no Fogar. A prorroga obrigatoria dará comenzo o 1 de febreiro de 2023 ata que se adxudique o novo contrato, e como máximo por un período de 9 meses. Os concelleiros e concelleiras da Corporación municipal coincidiron en sinalar que se trata dunha prórroga necesaria.
Residencia de maiores do Milladoiro
Ademais, aprobouse por unanimidade a declaración de especial interese das obras de edificación da residencia de persoas maiores no Milladoiro, para a posterior concesión de bonificación na cota do ICIO. Deste xeito, declárase de especial interese e utilidade municipal as obras de edificación dunha residencia para persoas maiores na Travesía da Moa, no Milladoiro, fundamentado na concorrencia de circunstancias de fomento e creación de emprego, por implantación dunha nova empresa que implica o exercicio dunha actividade económica ou empresarial no termo municipal de Ames, coa creación de máis de 20 postos de traballo, en aplicación do establecido na Ordenanza fiscal reguladora do Imposto sobre Construcións, Instalacións e Obras do Concello de Ames. A bonificación suporá un 25% de desconto sobre a cota tributaria.
Taxa pola utilización das instalacións municipais
Outro dos puntos a tratar foi a aprobación inicial da ordenanza fiscal da taxa pola utilización das instalacións culturais de propiedade municipal que tamén foi aprobada por unanimidade. No pleno do 30 de xuño de 2022 aprobouse o regulamento de uso e funcionamento das instalacións culturais do Concello de Ames. O aspecto económico da utilización de ditas instalacións viña sendo regulado na ordenanza denominada reguladora de prezo publico pola utilización das instalacións deportivas e culturais de propiedade municipal. Porén a figura correcta non é un prezo publico, senón unha taxa motivo polo que se iniciou expediente de elaboración de dita ordenanza fiscal.
Servizo de Axuda no Fogar
O Pleno tamén aprobou por unanimidade a execución da prorroga obrigatoria ata a formalización do novo contrato do Servizo de Axuda no Fogar. A prorroga obrigatoria dará comenzo o 1 de febreiro de 2023 ata que se adxudique o novo contrato, e como máximo por un período de 9 meses. Os concelleiros e concelleiras da Corporación municipal coincidiron en sinalar que se trata dunha prórroga necesaria.
Residencia de maiores do Milladoiro
Ademais, aprobouse por unanimidade a declaración de especial interese das obras de edificación da residencia de persoas maiores no Milladoiro, para a posterior concesión de bonificación na cota do ICIO. Deste xeito, declárase de especial interese e utilidade municipal as obras de edificación dunha residencia para persoas maiores na Travesía da Moa, no Milladoiro, fundamentado na concorrencia de circunstancias de fomento e creación de emprego, por implantación dunha nova empresa que implica o exercicio dunha actividade económica ou empresarial no termo municipal de Ames, coa creación de máis de 20 postos de traballo, en aplicación do establecido na Ordenanza fiscal reguladora do Imposto sobre Construcións, Instalacións e Obras do Concello de Ames. A bonificación suporá un 25% de desconto sobre a cota tributaria.
Taxa pola utilización das instalacións municipais
Outro dos puntos a tratar foi a aprobación inicial da ordenanza fiscal da taxa pola utilización das instalacións culturais de propiedade municipal que tamén foi aprobada por unanimidade. No pleno do 30 de xuño de 2022 aprobouse o regulamento de uso e funcionamento das instalacións culturais do Concello de Ames. O aspecto económico da utilización de ditas instalacións viña sendo regulado na ordenanza denominada reguladora de prezo publico pola utilización das instalacións deportivas e culturais de propiedade municipal. Porén a figura correcta non é un prezo publico, senón unha taxa motivo polo que se iniciou expediente de elaboración de dita ordenanza fiscal.
Elección de xuíz/a de paz substituto
Tamén se aprobou por unanimidade a elección de xuíza de paz substituta do Concello de Ames. Durante o prazo de presentación de instancias, que comprendeu dende o 7 ata o 28 de decembro de 2022, presentáronse sete candidatos/as. Unha vez examinados os méritos de cada un/unha dos/as candidatos/as propúxose a Xiomara Erlinda Lazo Fuentes como xuíza de paz substituta do Concello de Ames. Os méritos examinados foron ter experiencia como xuíz de paz e dispoñer do grao en Dereito.
