Unha pregunta do BNG desvelou que se trata dunha subvención destinada ao servicio de conciliación. Espazo Común denuncia que este servizo precisamente ven de subir as taxas por non ser sostible economicamente.
O apartado de rogos e preguntas do pleno ordinario de Ames deixou unha nova da que se falará nos vindeiros días. O equipo de goberno non aproveitou a posibilidade, perdeu, de obter unha subvención de 120.000 euros para conciliación.
A pregunta foi presentada por Rosalía Seijas do BNG e a resposta do alcalde foi que “debido a un despiste non se presentou a solicitude”. Blas García lembrou que no 2023 sucedera o mesmo pero Seijas respondeu que en aquel momento tiveran a oportunidade de subsanar o erro cousa que agora xa non é posible, García rematou dicindo que se compensarían con fondos propios.
A secuencia do sucedido a podedes ver a continuación
Un servizo que ven de subir as taxas
Tras o pleno Espazo Común emitía unha nota de prensa na que consideraba que este feito “resulta especialmente grave, sobre todo si temos en conta que o propio goberno municipal xustificou recentemente unha subida de taxas para o próximo curso neste mesmo servizo alegando o seu carácter deficitario e que era necesaria para seguir prestando o servizo, aínda en contra do voto das familias”
Para Espazo Común o máis preocupante é que “a única explicación ofrecida a este grave prexuízo económico para o concello e sobre todo para os veciños e veciñas de Ames é que foi un simple despiste”.
