Ames, 2 de xullo do 2019 – O Partido Popular de Ames denuncia que a proposta que o goberno de Ames leva esta tarde a pleno suporá 600.000 euros anuais.
O alcalde do novo goberno de Ames, según os datos do PP, sóbese o soldo ata os 53.000 € brutos ano, o máis alto da bisbarra por riba incluso do de Santiago de Compostela. O PP denuncia ademais que as novas retribucións duplican as que tiña, con maioría absoluta, o goberno popular no 2011 e que era de trescentos once mil euros.
Serán 15 cargos con dedicación, 11 concelleiros e catro cargos de confianza, un aumento según os populares dun 107% con respecto ao anterior mandato. Ademais do incremento dun 6% do soldo do alcalde, crecen na mesma porcentaxe o soldo do portavoz socialista, Blas García, a do BNG, David Santomil, e a de Contigo Podemos, Genma Otero. Santomil e Otero cobrarán 39.750 € e créanse dúas novas dedicacións exclusivas de máis de 34.450,00 € cada unha.
O PP lebra que “O Sr. Miñones no ano 2011, cando era voceiro do PSOE de Ames, votara en contra e criticara duramente que o goberno do PP, con maioría absoluta, tivera unhas retribucións anuais de 310.00€ (seguridade social incluída) para os 4 concelleiros con dedicación e 3 persoas de confianza. Agora e como alcalde, o seu goberno duplica a cantidade de membros con dedicación e persoal de confianza” e adianta que rexeitará a proposta.
O novo goberno terá que modificar o orzamento cunha transferencia de crédito, para poder facer fronte a esta brutal suba de salarios.
