Imaxe do IES que será reformado
Bisbarra, 1 de febreiro do 2025 – Desde principios de decembro a preocupación por un cambio de horario no Instituto de Ensinanza Secundaria Plurilingüe, IESP, de Ames alertou a ANPA e a comunidade educativa en xeral.
O 5 de decembro celebrábase un Consello Escolar Ordinario no que a ANPA xa votaba en contra do cambio. Posteriormente a proposta concretouse en que luns e martes os mozos terían que entran ás 8 da mañá e saír ás 14:30 do IESP de Ames.
A motivación de estes cambios era liberar espazo pola tarde coa finalidade de ampliar a oferta educativa en FP e separar bacharelato de formación profesional. A ANPA expresaba ao respecto que “somos os primeiros en reclamar máis ciclos de FP en Ames, pero non a conta de aumentar a matrícula de alumnado no centro (que xa supera os 850 alumnos) senón pasando pola construción dun segundo centro de ensino secundario”.
En este contexto chegábase este xoves a unha reunión previa do Claustro do IESP e un Consello Escolar a continuación, si se validaban os novos horarios a proposta iría a inspección educativa para recibir a autorización definitiva.
Ás seis da tarde algúns padres concentrábanse diante do IESP para expresar a súa desconformidade. Xa sexa pola postura da ANPA, ou por outras razóns, a proposta non pasou do Claustro onde xa foi rexeitada quedando polo momento apartada.
A ANPA do IESP emitía un comunicado agradecendo a postura dos membros do Claustro e pedindo que, no caso de aparecer novas propostas, se consulte tamén cos pais.
